mirig lampu jalan nu pating karetip
basa lengkah anjog di gapura wates dayeuh...
bet asa mudal sakur kereteg
ngudaran lalakon simpe,
dina lamunan nu leleb
di lebah tikungan, peuntaseun selter beus
jalan nu bakal mapaikeun sakur kareueus
kecap hate, teu jempe...hariweusweus
sagala rusras, asa waraas
fragment beureum semu kayas
gening teu kungsi laas
langit beuki angkeub
hujan mingkin kerep
lampu kota nu mageran jalan
anteng maturan lamunan
dina sela renghap nu panjang
aya gerentes, ngeja hiji ngaran
Tidak ada komentar:
Posting Komentar